МРДНИ СО ПРСТ е граѓанска иницијaтива чија главна цел е подигнување на јавната свест за различните можности за општествени промени кои се во доменот на секој поединец, како и генерирање на идеи за поддршка и придонес кон специфични активности во рамките на заедницата во кои граѓаните можат да се вклучат поединечно, но и колективно. Иницијативата започна пред повеќе од осум месеци и ги поттикна граѓаните да почнат да размислуваат за нивниот индивидуален придонес како и активно да се вклучат кон адресирање или решавање на проблемите со кои секојденевно се соочуваат преку бројни настани и акции како на пример, еколошки акции, хуманитарни активности, адаптација на јавни простори, собирање на средства поддршка на оние на кои таа им е најпотребна.Водени од идејата да го мултиплицираме успехот во рамките на кампањата и да содадеме повеќе позитивни примери низ целата држава, МРДНИ СО ПРСТ прераснува во агрегатор на успешни приказни и идеа кои потекнуваат од граѓаните како иницијатори и реализатори на бројни иницијативи.

Во текот на претстојниот период ќе се организираат бројни акции и активности низ целата држава во соработка со Националниот Младински совет на Македонија како и докажани иницијативи и организации кои постојано “мрдаат со прст” како Ретвитни оброк, На точак, Ајде Македонија, Биди Зелен, Сојуз на извидници на Македонија, Организација на жените на општина Свети Николе, и сите останати поединци и организации кои даваат одреден придонес во заедницата и прават разлика во секојдневното живеење. Ребрендирана и освежена, иницијативата МРДНИ СО ПРСТ токму на оваа веб платформа ќе им овозможи на граѓаните да иницираат, да се вклучат и да реализираат граѓански акции или пак да се придружат на веќе постоечките.

 

Мрдни со Прст! Ти си на потег!

Следете нè на www.facebook.com/mrdnisoprst и www.twitter.com/mrdnisoprst приклучете ни се во активностите за подобро општество за сите нас!